Hajj Ki Namaz

In Hajj 906 views

Deen e Islam kay 5 bunyaadi rukan hain, Hajj, Namaz, Roza, Zakat, Tauheed. Musalmaan honay kay lye ye shart lazim hai kay en bunyaadi arkaan par imaan laya jaye, aur enki pabandi ki jaye.  Tauheed ALLAH Kareem ki wahdaaniyat par imaan hai, Namaz dil kay sukoon aur rooh ki paakizgi kay lye zaroori hai kay ALLAH Kareem kay samnay sajda e raiz hona afzal tareen ibadat hai, Roza farz ibadat hai, Zakat maal ki lalach duur karta hai, aur Hajj sahib e Istataat kay lye hai. ALLAH Kareem nay Hajj aur Zakat unhe logon par farz ki jnki istataat ho takay wo ALLAH ki raah mai kharch karein aur Khuda kay ghar ki ziyaarat krein. Magar Namaz, Tauheed aur Roza subpar farz kiya.  Tauheed sub say ahem rukan hai kay ALLAH EK HAI, jo musalmaan es baat par imaan na rkhay wo Islam say barkhast ho jata hai, ye Shirk kay zumray mai aata hai jski koi mua’afi nahe. Esi tarah Namaz har aakil o baaligh par farz ki gae jisay adaa krna lazim hai, jub kay Roza, Hajj aur Zakat mai ALLAH nay riaayat di hai.

Namaz ka zikar Quran mai 700 martaba aya, ALLAH nay tmaam Ambiya A.S aur unki akwaam  par namaz farz ki, Fajar Hazrat Adam A.S, Zohr Hazrat Ibrahim A.S, Asar Hazrat Yaqoob A.S, Maghrib Hazrat Dawood A.S, Isha Hazrat Yonus A.S par nazil ki gae. Nabi S.A.W.W jub Meraj par tashreef lay gaye tau ALLAH nay apko 50 namazon ka tofah diya par apni umat ki khatir apnay ALLAH say darkhwast ki aur 50 mai say 5 namazain reh gaen. ALLAH nay Quran mai sakhti say tambeeh ki kay jsnay apni namazon ki fikar chor di ALLAH nay uski fikar chor di. Qabar mai sub say pehla sawal namaz ka he hoga. Namaz kay lye bawuzoo hona zaroori hai, jbkay behtareen namaz wo hai jo wakt par adaa ki jaye.

Hajj be ALLAH nay apnay bandon par farz kiya par subpar nahe, sirf unhe par jnhe ALLAH nay maal o dolat say nawaza, aur tandrusti aata ki, agr koi shakhs jo maaldaar aur tandrust ho Hajj na karay tau gunaahgaar hoga. Hajj Islami calendar mai aakhri maheenay mai adaa kiya jata hai jo kay Zilhajj hai. Qaba sharif ka tawaaf, Safa Marwa ki sai, Haram shareef mai namaz parhna, Hajr e Aswad ko bosa daina, Arafat ki ibadat, Meena mai qurbani, Muzdalfa mai qayam, madina mai haazri waghaira manaasi k Hajj hai. Nabi S.A.W.W nay apni zindage mai ek baar Hajj kiya jsay Hajjat ul Widda be kaha jata hai.

Hajj aur Namaz ki ehmiyat ALLAH aur usky Rasool S.A.W.W nay waazaye kar di, kay namaz wo amal hai jsay ALLAH ka qurb khasil hota hai aur namaz he musalmaan ki pehchaan hai. Esi tarah Hajj dunya ka sub say bhara ijtamah hai jahan puri dunya say hazaaron haaji aatay hain jo bghair rang o nasal ki tafreek kay Hajj adaa krtay hain. ALLAH hmay dono arkaan par amal ki taufeeq atta farmaye, ameen.

Tags: #arkan e hajj in urdu pdf #hajj ka tarika in urdu full #hajj ka tarika video #hajj ke arkan hindi me

author
Author: 
Hajj Questions
Hajj Questions
Hajj is one of the important five
Hajj Quotes
Hajj Quotes
Today I am sharing the best Hajj

Leave a reply "Hajj Ki Namaz"

Must read×

Top
css.php